Hajaru Complete Hausa Novel
Tag: Hajaru Complete Hausa Novel
BISSIMILLAHI RAHMANI RAHIM
Bankaɗa labulen dake jikin wani ɗan akurkin ɗakin wata matsakaiciyar mace wanda duk shekarunta bazasu wuce talatin da ɗoriya ba,gajera ce baƙa ,gabaki ɗaya kamannin ta bashi da kyawun gani,idanuwan ta kaɗai abinfirgitar wa ne da tsoro ,ga bakin ta duk dussan goro da ta tara shi me uban yawa,jikin nan duƙu duƙu ga jurwaye a kan ƙafafuwan ta da damtsen hannun ta, kayan jikin ta atamfa soso ne da tasha ruwa ta gaji da ko ɗewa ga gamin baki riga daban zani daban kallabi daban,hango ta akwance a kan tabarman kaba yagalgalalla yasa matar ta lailayo wani uban ashar ta watsa tare da juya wa a ƙufule ta nufi inda tukanan randar ruwa suke ta kamfato a cikin wata ƙwarya ta dawo ta hankaɗa labulen bata wani yi sanya ba ta watsa mata shi a jiki.
Firgigit matashiyar yarinyar da batafi shekaru sha huɗu ba ta miƙe tana soshe soshe,sa shi guda kuma ruwan sanyin na ratsa jikin ta,ga yanayin sanyi da muke ciki,jin sanyin take tun daga ɗan yatsar ta har cikin ƙwaƙwalwar kanta yana ratsa sassan jikin ta na jini,zazzare manyan idanuwan ta da suke farare kamar madara kawai take yi jikin ta na kyarma, bata gama se ta natsuwar ta ba ta ji saukar manyan ashar daga bakin Inna Wuro.
“Don kutumar ubakin shegiya mayya kina juya ido kamar kin samu sabon kurwa baza ki wuto ki wuce ki ɗau tallan nonon ba,wallahi ki ka dawo min da kwantan shi se naji kamar in kashe ki,ƴar iska watsatstsiya kawai,ni de na bani da jaraba,anzo da agola anmutu an barmin bala’i da tsiya me ruwan mayu kawai,kurwata kurrr ,li’ilafi ƙafa dubu so dubu,za ki fito koko zaki kafe ni da shegun idanuwan nan kalan na karuwan birni”.
Tunda ta fara magana kai na yana ƙasa,idanuwana ya zuddar da zafaffen ƙwalla,zuciyar na kamar ta fasa ƙirji na ta fito,wani ƙululun baƙin cikine ya tokare mani ƙahon zuciya,wannan wane irin azababben talla ne tunda farar safiya,wai yaushe zan samu ƴanci ne kamar ko wani ɗa?,wai shin ina dangina suke?,sum sum kamar munafuka na wuto na raɓa ta gefen Inna Wuro ba tare da na tanka ta ba,tsinkakken silifas ɗina da yasha ɗauri da leda ya gaji har yaba uku lada na saka,ban damu da jiƙaƙƙen kayan jiki na ba ko kaɗan don bani da wanda zan sauya ko na ce zan sauya ,kai tsaye fankacecen tsakar gidan mu na nufa na in da na hango ƙwaryan nono har biyu ga baƙin leda a gefe ,ban damu da in wanke ido ba ko ƙafa ta ba,kasan cewar na yi sallah subahi,tsayawa na yi gaban ƙoren ba tare da na yi magana ba,iskan bishiyoyin gidan mu na kaɗawa yana ƙara ratsa cikin jikina ,jijiyoyi da ɓargo.
“Eh dole ki banza ki ƙyaleni shegiya annamimiya,ga mahaukaciya na magana ba,toh HAJARU uwar ki Balki ki ka ƙyale tana kabari tana ansa tambayar mala’iku,in ta kasa a jibge ta da sandar wuta,munafuka wacce ta tsotse mugun hali a nono kawai”,ta ƙarashe maganar da jan wani ɗan guntun tsaki.
Wani ƙololon baƙin ciki ya ƙara tokare min maƙoshi,jin baƙaƙen kalmomi masu kama da garwashin wuta Inna Wuro na watsamin tana jiɓan ta su ga mahaifiya ta, miyasa Inna ki ka tafi ki ka barni a dangin da ba susan daraja da mutunci na ba?,me ya sa ki ka barni a ahalin da ba nawa ba?,ina dangin ki suke da baki kai ni ba?,ko dangin mahaifina?,tarin tambayoyin nan da babu me bani amsan su,su kaɗai ne suke min yawo a ƙwaƙwalwa.
Jin bangazar da aka yi min ne ya sa ni saurin dawowa daga duniyar tinanin da na lula,saura kaɗan in faɗa kan ƙoren nonon da ke gabana Allah ya tsare ni nasan da na lahira ya fini jin daɗi,har yanzun idanuwa na na ƙasa,ta wutsiyar ido na bita da kallo anan nagane Indo ce,in da sabo na saba,fiye da haka ma zata yi min in de Indo ce don sam bata da mutunci ko mis ƙala,saukar marin da na ji ne akan kumatun ka na ya sa ni saurin ɗagowa a firgice ina kallon Inna Wuro da take ta huci kamar zakan ya a gabana.
Ban gama tantance zugin marin ba,na ƙarajin saukar wasu lafiyayyun guda biyu dama da haggu,wannan karan ba Inna Wuro ba ce Indo ce ta kwasa min marukan,abin ku da farar mace take fuska na yai wani jaaa kamar an ƙonani,saboda tsananin kaɗuwa take na nemi hawayen dake ido na na rasa,idona ya bushe ƙam kukan zuciya kawai nake,na zahirin ya gagara fitowa.
“Muguwa me mugun hali,asarar nonon zaki min,kin kare mata hanya,don baki son zuwa talla,talla halal ne a gidan nan akan ki HAJARU ,ko mutuwa ki ke kina dawowa,ko zaki mutu se kinje shi,in yaso in kin mutu ma je mu ɗauko gawar ki,Hajaru ki buɗe kunnen ki kiji da kyau,ba za a kawo mana agola ba,a mutu a barki,gayan tsiya gayan na ayare,gayar arna a idi,kina zaune inciyar dake,in baki je tallan ba,ni ki ke so in ɗauka,koko in ɗaura ma me uwa a gidin murhu,to ahir ɗinki,har gaban abada Indona baza ta taɓa tallaba ko a cikin mafarki ne,se de ke shegiya me baƙin ido”.
Sauke wani nannauyan ajiyar zuciya na yi tare da dafe cikina da ye wani ƙugi,se yanxun na tina rabona da abinci tun jiya da rana,shima nonon akuya na fake idon Inna wuro na tatsa na sha,ya rabb na ambata can ƙasan zuciyata ,sam baƙaƙen kalaman Inna wuro sun dena ɗaɗani da ƙasa in da sabo na saba jinsu sun zamomin jiki,ba abinda zata yi ya zamomin baƙo ,cikin sanyayyar murya zuciya ta cike da zullumin yanzun tundaga gidan fura zanje har kasuwar gada a ƙafa,ga baƙar yunwa,”Inna Wuro kamamin in ɗaura akaina”,na faɗa idona a ƙasa.
“Da ya fi miki”ta faɗa a taƙaice,bata jira na kama ba ta ɗau ƙoren gaba ɗaya ta ɗaura min akai na kasancewar banda wani tsayi sosai ta fini tsawo,baƙar ledan ta ɗauko ta samin a hannu,na juya da zumar tafiya banyi aune ba kawai naji,ɓangare guda kuma Inna wuro ta buga wata ƙara tare da.
“Da ya fi miki”ta faɗa a taƙaice,bata jira na kama ba ta ɗau ƙoren gaba ɗaya ta ɗaura min akai na kasancewar banda wani tsayi sosai ta fini tsawo,baƙar ledan ta ɗauko ta samin a hannu,na juya da zumar tafiya banyi aune ba kawai naji,an bangaje ni ƙore da ke kaina sun tudde ƙasa gaba ɗaya sun fashe nonon ya kwaranye ga ƙasa,ɓangare guda kuma Inna wuro ganin abunda ya faru da ƙoren ta ,ga nonon da ta ci burin inna dawo ,ta aika bakin titi a sayo mata tsire me ƙuli ƙuli da burodi ,hakan da ta gani ya sa ta buga wata ƙara tare da zubewa ƙasa ta ɗaura hannu akai kamar an mata mutuwa tana ihu, gefe na koma jikina na zanzana yana ɓari,ina bin Auwalu da shigowar shi ya bangaje ni da gangan da kallo,ko a jikin sa,kallon uku saura kwata ya yi min tare da jan dogon tsaki ya ja karan sa ko kallon in da ƙoren suka fashe be yi ba ye cikin gidan.
“Yanzun Hajaru don tsabar baƙin ciki don baki son zuwa talla shine ki ka tudda nonon,wallahi Inna wuro ki lakaɗa mata dukan da se ta kasa motsi ,ba uban da ze ƙwace ta,ai iskanci ne ya ke cinta so take ta nuna ta isa wiyan ta ya isa yanka ta yi matuƙar raina ki”,faɗar Indo da fitowar ta kenan daga ƴar bukkan su,sanye da kayan makaranta farin hijjab ,farar riga koren wando,kafaɗan ta rataye da ƴar jakar buhun ta take maganar tana galla min harara,ni kaina da ke ƙasa ban ma san tana yi ba.
Kafin na ankara naji hucin Inna wuro akai na bata yi wata wata ba ta jani ƙiyyyyy….. a ƙasa har zuwa bakin rijiya ta janyo igiyarguga ,ni zaki ma iskancin iya shege,ni zaki tuddar ma nono ga ƙasa ,baki son tallan ne ƴar baƙin ciki kawai,in baki tallan ba ni ki ke so naje miki,uban waye ubanki ?,koko Indo ki ke so ta je tabar karatun bokon?,to a hir ɗinki shegiya me mugun hali wanda ta tsotsa a nono kawai,Cikin kuka na ce wallahi.
Hajaru hausa novel
Auwalu ne ya hankaɗe ni ba da gan gan na yi ba,kuma kema kina kallo, tace lallaiyarinya na ga me na kalle me sharri zaki laƙaba ma Auwalun da ba ruwan shi aaiko jikin ki zai gaya miki ni zaki kawo wa zancen banza zancen wofi ta sa ƙafa ta ta ture ta ta faɗi ta rinƙa lafta mata igiyargugar kamar ba ɗan mutum take duka ba tasa ƙafa ta take mata ruwan ciki,wani irin kuka yaƙwace mani taci gaba da jibga tamkar zautacciya hankali tashe Innaro mai dambu ta zagayo gidan ko lulluɓi babu a tare da ita “kai jama,a lafiya me ke faruwane a gidannan? Inna wuro ta tsaya da dukan tana huci,”barni da ƴar iskar yarinyar mai Dambu nema take ta samin hawan jini,niƙi niƙi ina fama dasu inkai gwauro inkai mari wai don dai a samu a rufama kai asiri amman ƴar iskan yarinyar nan bata gani kawai an mutu an barni da jaraba da bala’i dangin tsiya arna a idi ba dangin uwa balle na uba yanzu ace kamar Hajaru wai ta ce.
Hajaru hausa novel
Auwalu ne ya tudda min nono har ƙore biyu bayan ina gani sharri ne ta yi masa ,in hana ido na bacci in tatse nono ga tsire ina son ci mugun hali irinna wannan munafukan anannamimin data sha a nono so take taga bayana wallahi ba zaki gani ba se de in ga naki”,tana magana tana haki,Me Dambu tac e eh kam gaskiya baki kyauta wa kan ki ba,yanzun har kinfi son aita jibgar ki irin haka,da kije talla,ai duk ƙaruwan kune kan ki kikai ma mugunta ba su kaɗai ba”.
Taɗan numfasa tana kallo na kafin ta ƙara zaro ido a,Inna wuro yaya nake ganin yarcan kamar bata motsine?,ta ƙara matsawa tana tattaɓa ta ,ta ɗago da sauri hankali tashe ta ce wallahi Inna Wuro bata motsi”,ta ce kai haba mai Dambu da gaske ki ke?Inna mai Dambu ta ɗaga hannun ta ta saki taga ya tafi yaraf alamar ba rai Inna Me Dambu ta kwasa da gudu tana gyara ɗaurin zani tana faɗi da ƙarfin ta na shiga uku ni Mero,ta rasa me zata yi da ƙyar ya seta natsuwar ta ta je cikin rijiya ta kantamo ruwa ta watsa mani gaba ɗaya na firgi ta na tashi tana faɗar wayyo Inna wuro kiyi haƙuri.
Me Dambu ta riƙe ta “ke yi shiru da allah aita ƙyale ki Inna Wuro ta sauke wani nannauyen numfashi na shiga zare na mujiya Mai Dambu, ta miƙe tana faɗin ni na tafi amman dan Allah Inna wuro ki dinga kula kisan irin dukan da zaki dinga mata don kar kije ki ɗaure kan ki da kan ki Inna Wuro ta sake jan gwaron numfashi kafin ta ce inshaAllahu zan kiyaye mai dambu ta fice abinta Inna wuro ta juya ta shige ɗakin ta ta bar ni a nan ,na rarrafa na nufi ɗan akurkin ɗaki na.
Hajaru hausa novel
Na haɗa kai da gwiwa inata faman ban jima ba, barci ya ɗauke ni ina i faman jan ajiyar zuciya akai akai.
Ba ni na farka ba se azahar naji mamakin baccin da nayi kuma yau Inna wuro bata tashe ni ba,ina niyar miƙewa naje na kama ruwa kuma na duba naga akwai koko na sa ma hanjin cikin na da yake a nannaɗe,don rabon na da abinci tun jiya da rana,shima ƙamzo na samu na sa ma hanjin ta,wannan wane irin baƙar rayuwa ce.
ina Innani na take ta tafi ta barni a ƙangin rayuwa a hankali na duba kayan da ke jikina,na sauke wani nannauyar ajiyar zuciya kayan sunyi dauɗa har sun fita hayyacin su,duk da kasancewar su kayan fulani farare tass na saƙi,da zaren da akai musu kwalliya ne yasa ake gane kayan fulanine,don saƙin ya dafe dauɗar datti ya sauya musu kala ,ni kaina rabon da inyi wanka har na mata,ga shatin datti a lungu da saƙon jikina,ba abinda ke tashi a jikina daga ƙarnin nono se watin datti,ƙawa ɗaya bani da ita don kowa na gudu na saboda dattin dake jikina,a hankali na miƙe ina dafa cikina don hancina sun nan naɗe na ɗaga yagalgalallen labulen ɗakin nawa da rana ya gama kashe shi ,fitowa na ya yi dai dai da……..!
MORE COMMENTS
MORE TYPING
| Name: | [HAJARU HAUSA NOVEL ] |
|---|---|
| File Type: | Download Novels as .TXT .PDF .DOC .HTML |
| Uploaded By: | www.mynovels.com.ng |
| Category: | Hausa Novels Documents |
| Tags: | Hausa Novels Documents, Hausa Novels Books, Complete Hausa Novels |
| Novel Price: | Free |
| Last Modified: | November, 2021 |
Leave a Comment